病房二三事(love)

今日真係一個好日啦 :D
我地既頭等房patient出院啦!
送左2打好靚既東方文華cake俾我地!
減緊肥既我都試左(一定要食啦!!!唔係唔食呀?!)

 好靚又好味!

 呢隻勁好味~好香既莓味~~~

切開都好靚>v<

春嬌?志明?

曾經有人問,如果一生人只有一個男人,
會唔會覺得好唔抵?人一世物一世喎。


呢一刻飲住隻柿買既fibe-mini,
聽住春嬌與志明首Drenched既我,
唔係一時三刻茅塞頓開,
而其實係好早之前已經知道,得此男死而無撼啦。

我講既男人當然係我隻柿啦。

:love: 每一天(4)

今日有隻傻佬又呢湊我放工!

拎住一大個紙袋!
入面有一排fibe俾我飲呢排便便
有一支我用灑又買唔到既洗頭水
有特登買俾我既chocoolate飯盒(多謝李媽媽) :D
仲有旅行書:love:

雖然冇得食crumbs,
但見到您都甜到入心:love:

病房二三事(17)

果位有lymphoproliferative disorder of lung既patient,
佢既supplementry report出左了,係lymphoma呢真係。

希望佢可以盡快對症下藥,一切都唔會太遲。
愈做得多見得多,就愈明白當年考試溫書溫到頹既時候,梁子恆同我講既

" You are just fighting for your examination,
  But the patient are fighting for their life. "

 


IO( Intestinal Obstruction)婆婆生命差不多走到盡頭,
琴晚夜半嘔左好多brown color fluid出呢,其後drain左差不多500ml係BSB到,
同事幫婆婆suction,aspirate R/T,可以幫到婆婆既都做灑。


今早surgeon laughing哥呢巡房,聽到肺有聲,懷疑婆婆嘔果時Aspirate左入肺,
本先佢仲想開chest physio俾佢做,但report俾佢聽Telemetry show到佢HR得40-50/min,
返呢個tracing 勁肉酸,QRS愈來愈闊。
跟住laughing哥都唔開treatment,知個心頂唔順,話分分鐘叮噹一下就冇左。


婆婆既家人都圍係床邊陪住佢,
望住佢好漲既肚,充滿brown color fluid既R/T & BSB,床邊係咁閃既Spo2 & HR monitor,
呢一刻,我都覺得,佢會叮噹一下就冇左。
有時候都忍唔住係到諗,安樂死係唔係一件好事呢?至少免除左不必要既苦痛吧。
換轉我,寧可清醒地交代一切,拔走所有外來物如drip呀foley呀R/T呀,留一個HB咁大把,
沖個涼,換最中意既衣服,抱住最中意既毛公仔,聽住自己最喜歡既歌,
一邊諗返過去種種,一邊等待死亡來臨,免去痛苦同恐懼。

不過畢竟世事難料,都係隨遇而安吧。

病房二三事(16)

一個有勇氣自己簽DNR(Do  Not  Resuscitate)既伯伯,
望住佢咁辛苦咁喘氣, 一呼一吸都用盡佢既氣力,
Spo2:得番70-80% with 12L O2既non-rebreathing mask
佢可以on BipAp救自己,但佢選擇左離開,
因為佢知道,即使走過呢個難關,佢既quality of life都唔會好得去邊,
當有下一個難關,佢都未必走得過。


佢既家人都呢到佢床邊,當中有幾個仲喊起上呢,
望住佢地,突然覺得好害怕。
琴晚至發完家人脾氣既我,如果有一日佢地要離開我,
我一定會好後悔無帶過佢地去第2度一齊旅行;
後悔無珍惜一齊既時光;後悔經常自私地係自己角度出發,無考慮佢地既感受。




其實人生總有好多跌倒既機會/錯折話俾您聽,
呢個世界上面,冇人有義務一定要對您好,即使係您既至親。
有父親外面有第二個家庭而選擇離開原本既家人子女;
有母親為左名成利就,放棄子女配偶,踏住當初既承諾向上爬;
有子女怕麻煩怕使錢,至年邁既雙親不顧,甚至拒於家門外。
每日新聞都有好多倫常悲劇,
幸福如我,父母兄弟健全,未來丈夫疼惜如珠如寶,
往往只會係做錯事/發左脾氣之後至識得後悔,講對唔住,
亦往往只會係親眼望到別人既生離死別之後至懂得反省平日自私既自己。


日子一日一日咁過,數數手指,仲有5個月,即係半年不到既時間就嫁人啦,
而新居亦好快裝修完成可以入住,雖然好開心好期待,
但怕寂寞既我,離開17樓E室一定會好唔習慣。
雖然老豆成日霸住電視睇埋d大陸台,咩南方衛視呀咩中央台呀,
但係夜晚訓覺熄灑燈之後,黑媽媽有d驚既時候,係門下面條縫望出去,
見到仲有電視既燈光就會好放心,因為知道老豆仲未訓(雖然唔知係咪坐係到訓著左)
雖然媽咪成日都鬧鬧鬧,講野仲好大聲,
大聲到有時去倒垃圾既房到都聽到佢把聲係到講上海話,
但係同唔到佢頂嘴/聽唔到佢講佢d八卦野又會好唔慣。
雖然果隻西瓜有時個身同口都好臭,但係有好笑野同唔到佢笑都真係幾失落ga!


聽/講左咁多年上海話,好快就冇得日日聽/講,
原來我真係咁愛咁唔捨得呢個家,
希望父母親人愛人朋友永遠都唔好離開我,
如果世界末日真係要來臨,
我寧願冚包散都唔要自己一個存活係世上。




p.s.記得有一次發過呀竹同Tracy脾氣,其實一直係心入面都好後悔 :(

病房二三事(15)

lymphoproliferative disorder of lung

何醫生話呢個case真係好rare,
係CT到見到個肺到有一舊dense既consolidation,
做左biopsy for histology,見到果d consolidation係一d lymphocyte,
要等埋個supplementary report至知其實係咩事。
? lymphoma ?leukemia
patient冇fever,只係會night sweating同個身好熱。

何醫生同佢講佢有可能係lymphoma多既時候,
patient面色變灑,心情沉左落呢。
其實佢都擔心左好幾日自己究竟發生咩事,
成日都問好多問題,好似白血球有幾多種呀,問我認為佢咁樣既症狀即係咩呀咁。

雖然何醫生同patient講,lymphoma醫得好既機會好大,
但patient都依然係非常擔心。
其實我都明白,如果今日係病床上面既係我,
我唔單只笑唔出,仲會茶飯不思,成日喊,怨天怨地。

求主祝福呢位堅強既男仕吧。

:Love: 每一天(3)

每次談起新家的進度,
心總是甜絲絲,多謝您,Heehee。

其實每一次見到您咁累都堅持一有時間就呢見我搵我接我放工,
心總會覺得痛。:(
尤其琴晚返P好忙遲左放工,見到您係醫院坐位到等到訓著;(


希望快d入伙吧;)
期待每日都可以見面,一起身,刷完牙,訓之前,放工後,返工前...:love:

:Love: 每一天(2)

上youtube聽TVB歌,突然Load到一首好耐冇聽好中意既歌。





世間什麼愛叫純潔　妳甘願化振翅紅蝴蝶
　　
飽經挫折　傷口淌血都不至會磨滅
　　
世間什麼愛叫純潔　處在絕望仍力竭　留守最尾一起哪怕歷劫

是日

《最後十四堂星期二的課》墨瑞．史瓦茲教授說：

「必須先學會死亡，才能學會如何活著。」



《遇見未知的自己》作者張德芬小姐說：

「人活著的時候都不曾想過自己會死，等快死的時候才發覺自己未曾真正活過。」


突然記掛病房內臨終的她。

是日

夜半又胃痛來襲。

諗起當年係東華東院實習果排都經常胃痛,
尤其係返完Night之後果程回家巴士路上,
痛到點坐都痛,死忍到屋企食藥灌水至止到。

之後耐唔耐又呢一排,久唔久又呢一排,
成日半夜去東區急症,
有次痛得滯醫生問我係咪有左(可能佢以為我作小產啦,anyway lol)
呢一個月都係咁,好驚好似我老豆講我大伯咁,
無啦啦嘔啖血,照OGD話有ulcer,之後都要keep住食藥 :(

天呀,千祈唔好;(

是日

睇完呢套戲自不然想起個月前睇既昂山素姬,
人生就係需要有抱負,堅持同實行。

記得Nursing school既時候,其中一位老師講過: 不要被人看輕我們年紀少。
年紀少又係文科出身既我,記得岩岩出ward,
當時既浩jj講過一d好傷害性既說話(我知道係無心既),
不過就係因為佢呢一句,我同自己講,有一日我一定要叻過佢!
可能浩jj一早忘記左講過呢句說話,不過對於我呢講就好入骨啦。
可能自己性格問題,唔中意認輸,掘,所以而家都幾aggressive,哈。
同埋都好難叻過佢lo......



而2套戲入面,丈夫對太太既愛同體諒都令我好感動。
真係好高興有電影將佢地既故事拍出呢,
令我更加認識呢2位對近世紀有非凡影響力既女性。

笑死人咩?!您唔好咁惹笑啦(2)

呢排同事K真係好搞笑。


繼上次
「一返工就烚熟狗頭,都唔知自己大禍臨頭。」
到而家做左蔥醫生既尊屬護士,而家愈加愈多,
咩午餐肉同伊麵,笑死我。


而家同事唔覺意將我同K標籤埋一齊,
一見到我拍佢返工就話:您2隻野又一齊返工呀?!
我上次都講得好明,我係正常既,冇暗戀醫生,哈哈哈哈!

笑死人咩?!您唔好咁惹笑啦(1)

果日返A,同事M接到洗衣房電話要搵主任,咁主任放假wor,
洗衣房呀燕姐就話搵今日IC啦,咁岩IC 同事F行開左,咁就一陣至覆佢啦。

同事F行左出呢之後,M就同佢講:
洗衣房搵您呀,您死啦,一定係您上次條褲啦。

同事F諗左諗,都話可能係,唔知係咪打呢鬧呢?!

(洗衣房係一個大家聽到都驚驚地既地方,因為如果有原子筆漬呀,M漬呀,
漏左筆呀錢呀係衫袋,都會俾佢地夾紙仔警告,仲有可能扣人工Tim!
佢地曾經打左幾次呢叫我改褲,話我褲腳太長拖灑地後面踏到黑灑,
因為次次放工都歸心此箭,所以應左會去,最後都冇,如是者佢地都冇再搵我,
唔知係咪覺得我冇得救,放棄我?!)

咁同事F就行埋一邊打電話去啦...
(幾分鐘後)
我地問佢:點呀點呀??有冇鬧呀??

同事F:唔係我條褲呀,唔知邊個瀨左好大Pet屎係褲上面洗都唔洗就咁扔落去洗呀。

哇......果一刻我晴天霹靂,笑到伏係到,
同事M笑住問,唔係ma~~~~patient果d ja掛?!

同事F:梗係啦!

但係果一刻我諗到既係邊個同事咁大膽lo!
d制服有名ga ma!!!!!!真係笑死人咩!!!!!!


都市傳說:
好似話而家洗衣房mark住d職員係咪日日換制服,
成日唔換就會夾紙仔警告。
好驚,我諗起明朝東廠既錦衣衛!我都有一條M漬褲扔左去洗冇耐,
我過左水洗過ga la,唔好罰我錢呀。

是日

原先今日去funky dance,點知成橦樓停電!!!係成橦!!!
個staff話佢自己都係行13層樓梯返工,所以唔開。
呀...果一刻我好想同佢講:其實我唔介意行13層ga,您俾我呢啦!
唉咁就浪費左一日啦!


今朝起身突然覺得人生充滿希望,仲無啦啦好開心,
開msn同Horry傾計,唔傾都算,一講就火都呢,
不停咁踐踏我,大概係話我同我男朋友都冇要求冇慾望,冇得救,
仲話要做我既人生教練?!真係睇得《盛女愛作戰》太多啦!!!!!!


浩jj琴日買番本新既《呀呢》俾我睇,我決定睇完之後好好做運動,
呢幾日發生左好多好搞笑既事,等我好好記低先。

wa,我岩岩,just a sec,聽到我細佬同佢女朋友傾電話,
佢話自己70公斤,講大話!!!今朝我偷睇到佢192磅(好肥呀!!!)
浩jj琴日話:
「丫,您2姊弟係咪一定要夾埋等如一個重量ga呢,一個瘦咁多另一個就肥咁多。」
真係大笑左出呢,唔,係時候提佢要洗牙啦,哈哈哈哈!

誰有下次?誰沒有下次?(END)

天國近才會記得不死本領
誰曾忘掉這種悟性

:Love: 每一天(1)

今日好充實!
一早同浩jj去左婚紗相果到book埋婚禮當日既野,
見到好多禮服/婚紗/掛,睇中左一件deep v既紅色晚裝,
只要加油去多20磅就塞得落ga la我!
and我先唔驚deep v!!!我撐得起有餘!!!(呢句講俾浩jj聽既!)

同埋有對男女試婚紗禮服,真係要人夠高先撐得起件晚裝,
人太短件衫就會上到條頸到,好在媽咪生得我都唔算矮:love:

跟住就去左MEGA BOX既IKEA睇野,
決定左張梳化既款啦!好開心!
再去酒樓落埋訂既尾數,就出發去吉之島啦!

係吉吉島仲買埋張Table!
唔~~~~~~~~~~~~~~好開心,真係好開心>v<

返屋企時叫浩jj唔好送我,
因為我知佢好累:( 我多番口水之下佢終於應承,
上車一直同佢揮手byebye,到我上到上層佢已經唔見左,
原來又跟左上車,呢個傻佬!!!!!!
住港島最西既佢送我到港島最東,再返佢自己屋企,
4年呢風雨不改,呢一生呢一世我都咁愛同珍惜,多謝李愛我,多謝李娶我>3<

醜怪又豬咁肥既我,hehe

誰有下次?誰沒有下次?(2)

為了佢既野唔開心幾日,
成日諗諗諗,
唔,冇下次,一定,唔會有下次。


誰有下次?
誰沒有下次?
我諗到答案啦終於。
其實旁人一早睇明,
係我自己選擇性失聰/明者。

Byebye(2)

人前歡笑,背人流淚。



很多東西今生只可給您
保守至到永久
別人如何明白透?..!


其實應該感恩,我們至少笑了一個寒冬 ;)

推理要在晚餐後(1)

福爾摩斯之夜。

Byebye

This is for my peoples who just lost somebody
這是獻給這些，失去生命中摯愛的人的歌曲

Your best friend, your baby, your man or your lady
比如說你最好的朋友，你的小寶貝，或是你親密的另一半

Put your hand way up high
請高高舉起你的手

We will never say bye (no, no, no)
因為我們再也沒有機會和他們說再見了


Mamas, daddies, sisters, brothers, friends and cousins
各位媽媽，爸爸，姐妹，兄弟，朋友還有親戚

This is for my peoples who lost their grandmothers
這首歌獻給…那些失去了祖母的人們

Lift your head to the sky
抬頭看看天空吧

‘Cause we will never say bye
因為我們再也沒有機會和他們說再見了


As a child there were them times
孩子們有他們的時間和世界

I didn't get it but you kept me alive
我一直沒有過，但你養我長大

I didn't know why you didn't show up sometimes
小時的我不懂事，不懂你為何總不表達出來

It's something more than saying "I miss you"
現在想對你說的話那僅只於一句「我想你」

But when we talked to
但當我們談到

All them grown folk things
家人間的事

Separation brings
讓我們分離

You never let me know it
你從來不讓我知道這些

You never let it show because
你從來不讓他表現出來

You loved me and obviously
因為你愛我 且顯然

There's so much more left to say
還有太多說不出口的話

If you were with me today face to face
如果你今天還在我身邊 能面對面交談 多好


I never knew I could hurt like this
從不知道失去親人會如此的痛

And everyday life goes on like
每天都…

I wish I could talk to you for a while (bye)
希望還能和你說說話，哪怕只有一會兒

I wish I could find a way try not to cry (bye)
希望能找到不讓自己哭出來的方法

As time goes by
隨著時間過去

And soon as you reach a better place
我知道 你已經去了一個更好的地方

Still I'll give the whole world to see your face (bye)
我願意以全世界 換得見你一面

And I’m bragging right here next to you (bye)
且大聲誇耀你在我身邊

It feels like you're gone too soon (bye)
但總覺你離開得太快

Now the hardest thing to do is say bye bye
現在才發現說再見是如此困難

誰有下次?誰沒有下次?

今日總算舒左一口氣,
將所有東面都清理了。

唔想睇多一次封信,但睇左,
冇流眼淚冇可惜,合埋眼吸口氣,呢一生人都唔希望再遇到呢個人。

今日同kanes傾呢件事,心入面既鬱悶摩打口咁講灑出呢。
再係whatsapp摩打手咁同呀捷訴。

放工男朋友呢門口接我,係車上面我冇再摩打口咁講咁多(雖然有講)
我只係知道呢個世界上面,最值得我同佢講「我愛您」既除左家人就只得佢。
瘦削既佢永遠企係我前面為我遮風擋雨,
有困難既時候為我挺身而出,
迷茫既時候為我判斷分析,
我做任何決定,即使係自私,得唔到家人支持,佢都會一一支持我,叫我做我喜歡既事,
縱使佢要為此付出好多好多......
做錯事永遠都會原諒我,明白我,為我著想。
會擔心我,會緊張我,即使我肥如一隻熊冇可能有色魔睇中既時候。

今日都同kanes講,我呢一生人做最岩既決定,就係係2007年12月9日同李浩昇拍拖,
盡一切努力纏實佢,到而家嫁佢。


我最中意德蘭修女既一句說話:

「呢個世界冇做大事既人,只有用大愛完成小事。」

一切一切既小事就由佢過去,雨後一定會天晴。