十八樓六室

星期五就正式交收了!
好開心好開心!

而designer幫我地design既傢私真係好岩心意,
今日去買家電既時候,
浩jj同我講:我地真係買啦,唔係幻想唔係如果啦!
我真係好開心,非幾個字能夠形容!


一個家成形真係要好多功夫,
水電傢俱寬頻林林種種不同既野,
日後仲有家務,煮飯,洗衣熨衫,煲水......
自己唔開始置一頭家,都唔知道原來持一頭家真係要付出好多好多,
多謝父母養育自己咁多年都無悔無怨,我愛您地:love:

病房兩三事(13)

近呢病房有一位病人出院,
佢既康復過程真係令我對呢份護理工作重新檢視,
可以照顧病人直至佢康復,真係一份福氣一份感動。


C先生,chest infection,Acidosis,poor DM control,同埋中耳炎 -> dizziness 入院既,
我記得第一次接觸既佢仲住係isolation room,
因為唔知自己有DM,冇食藥冇戒口之下,h'stix驗到好高而要Q1H/Q2H with s/s咁驗h'stix,打針,
當時既佢仲吊緊好幾隻antibiotic,左右手都有HB for 打針吊水。
第一次見到佢,佢蜷係張床上面倦到眼都唔開咁同我講野,我問佢答,多半句都唔想應我。

到後期佢consult左ENT,做完OT,DM control好左,個人開始醒,講多左食多左,
第一次見到佢坐係床邊食飯真係好開心,
傻仔如我,仲係到諗:哇!原來佢識坐出呢ga!
最令我開心既係見到佢由病房行出呢nursing station旁既椅到坐,
一邊摸住自己塊面,一邊似笑非笑咁話覺得自己瘦左,想我地幫佢磅重,哈哈。
有一次仲係閉路電視見到佢係病房外既走廊用行平行木既姿勢
(兩手平行打橫伸直,腳尖步步貼腳踭)練習行直線。

到琴日on night既時候,佢已經出左院了!
雖然我成日都係見到佢著住睡衣行呢行去,見唔到佢著出街衫出院既樣,
但係佢成個康復過程真係好深刻印係我心入面,
由訓係病床粒聲唔出既佢,到坐出station同另一個病人家屬狂傾計,笑住叫我地磅重既佢,
令我諗番起做呢行既意義,
未必每一個病人都可以好似佢咁幸運,健康快樂咁步出病房,捱過一重又一重難關。
但係作為做護理工作既一份子,見到呢個咁positive既康復例子,真係會有好大鼓舞!
但願可以值住呢份鼓舞,繼續照顧幸運同不幸既病者;)


一直以呢好中意BPS既校訓:「登高見博」
雖然仲係一個薯仔,但希望能夠繼續用對薯眼「見博」,
感謝神俾我遇到既人同事,請不斷指引我既路:)