我的最愛(4)

今日我既柿人去左國泰城考飛機師!
真係覺得佢好利害!
由咩都唔識,自學,到今日人地問佢問題佢都答得出,
仲要認得d機既型號,仲再細分到深入d既型號都識,
我呢個理科白痴真係覺得佢好好好好好勁!

其實有d擔心佢考到,哈哈,
因為如果考到就要去澳洲training 1年零2個月!
自從拍拖果日起就日日電話不斷,幾日見見面既我,真係會怕好唔慣,唉!
不過我知道呢個真係一個難得既大好機會,
希望我既柿人可以沖上雲霄啦(唔知佢會唔會係第一個RN變機師呢?!)


柿人話,如果真係俾佢考到,真係佢人生既第2大榮耀,
我好好奇佢第一大係咩,佢話:

「第一大當然係同您組織一個家庭啦!」

唔係講笑,雖然係隔住個電話聽到,但我當下真係流左幾滴眼淚出呢...
真係好感動呢,咁微不足道咁蕃薯既我,會係別人既榮耀......T口T

感謝神俾我遇到呢個咁適合我咁欣賞我接受我既人,
扮賴賴講野,同我玩賴賴,用人地既名作歌,帶我見識呢個世界...
我愛您呢,李浩昇♥

我的最最最愛 :3

病房兩三事(7)

係SPH都有2個月多d啦!
好快就到主任問書,睇下過唔過probation既時候!
琴晚返N更,傾傾下計同事就幫我tip下,估下主任會問d咩!
真係要好多謝我mentor同各位同事既熱心幫忙同教導!
要買d野食孝敬下至得,哈哈!

呢排都係做格主,真係要有好好既記性,
仲要認真留意patient既所有野,連佢早餐lunch食左d咩都要暸如指掌!
有冇cough呀spt. sound呀appetite係好定差呀有冇wound呀d skin condition點呀...等等等等
仲要記得追lab result呀check下d XR呀CT呀果d出左report未呀咁!
唔...好多野要兼顧!!!對於我呢個初出醫蘆1年既文科蕃薯呢講真係唔易!(哈!)
不過真係學到好多,同埋熟case既感覺真係好!
覺得可以做到醫生同patient之間既橋樑,確切咁幫到patient!
尤其係見到patient既情況愈來愈好,由唔醒到而家GCS13-14分,
真係好有滿足感!!!

希望可以繼續加加油,努力落去!!!
BTW,呢排學左ventilator既操作同basic既認識,其實做呢行真係學無止境!
同事W同埋mentor真係一個好好既榜樣,yush!

病房兩三事(6)

今日係我Sleep/A既A,
咩係sleep/A呢,就係前一晚通宵,朝早7:00至放工,
第二日又返朝早7:00,坦白講真係好眼訓,哈哈!
即使我前日放左工狂訓都好,今日既A都係有d累同眼訓!

今日既A我要交更啦!因為全場得5個patient,咁我就交全場啦!
第一次交A更心情都幾緊張,因為有好多野要check要過,
又要追追d lab report呀CXR呀俾醫生睇,
仲要記低d特別野report番俾醫生知同交更俾同事!
唔,都有d壓力,好在有d好同事同主任幫我!!!

今日原本以為冇咩野啦,
點知有個case要transfer入呢,第一次接手transfer case,
真係要打醒12分精神,好多問題要問要知!
再呢2個出院!再新收一個!仲有Acct打呢追期單既數!
對於我呢個初哥呢講,真係有d腦漲漲,又緊張!
真係要再一次感激多謝同事幫忙!!!
我而家個腦仲記住追sputum for c/st同urgent bld test fax去DIRD...
仲有張wet film...
係同事叫我去食飯既時候,我一拖再拖,主任講笑話我已經冇灑胃口,
真係,我真係完全地冇胃口!!!

今日真係學到好多野!!!好多事真係做到埋呢至知自己係有好多不足既地方!!!
感謝神俾我遇到一班好同事仲有好體諒既上司!
希望可以繼續學多d野,呢條南丁格爾路真係好漫長呀!

p.s.希望神父以後健健康康!仲有可愛既1B 同1C!

病房兩三事(5)

昨晚既N更好特別,
因為有一位Patient on緊Morphine drip同Q1H咁reduce O2,
由15L O2既non rebreathing mask到5L O2既Nasal,到Roomair,
一個一個鐘咁減少。
P更同事都話應該都係我地N更「包」,
我地返N既當然就只好盼望唔好咁快啦。

成個晚上我都一個一個鐘咁減O2同望下呀伯,
佢既女兒同陪人姑娘都係到overnight咁陪住。
最後我地N更都冇發生任何事,完完整整咁交返俾A更。
我都不忘望多兩眼伯伯,因為我知道放完假返番工,就未必有機會再見到。


過後得知伯伯係下午12點到離開左,
個心又不其由咁難過左幾下,
由我初初入呢呢個Ward,伯伯就係到住,
仲有日日都探佢既家人同埋陪人姑娘,
而家諗起之後未必再有機會見到佢地同佢地傾計,
個心都有d難受同不捨。


林伯,由始至終您都未開眼望過我,
就算您開眼望都未必見得我清楚同記得我。
或者您聽到我把聲既就只有記得抽痰果陣既辛苦,
同打antibiotic時既痛。
我可以為您做既只有禱告,
希望您係天父既懷內能夠安息,脫離痛苦同疾病既煎熬。

我的最愛(3)

今日係我地既第42個月。

不過我要返N!
希望會係個goodgoodnight啦!

好期待2日後既補祝活動!

我們相親相愛。
弱智腳指同懶醒腳趾

病房兩三事(4)

我的病房兩三事既第4章恰恰就係同死有關。

今日係我係呢個工作地方第一次做last office,
當聽到HCA呼喚,入去睇既時候,patient都已經灰灰白白,
同事摸,冇pulse,我用水銀計量,冇BP,
patient屋企人望住我,問我係咪冇BP啦?我搖頭,佢痛哭。
最後循例駁個ECG,Asystole既長do聲真係令人個心更加之沉。

不過同事都話,婆婆好平靜,
其實另一個角度睇都唔一定係壞事,
希望婆婆可以往天國,係主既懷抱入面忘記一切痛苦,疾病。

病房兩三事(3)

今日係我第一次P更揹cases交更,
我都仲係好緊張,哈哈!


不過有件事差d嚇死我,
話說我地醫生開抽血,我地唔係好似HA咁用電腦clickclick既,
我地要tick血form既,仲有面單底單咁,過底紙式咁tick。

咁今次要抽埋個ATT同INR啦,咁我就tick,tick完打落去call lab啦,
到搞好灑野之後再check下牌板,頂!!!!點解我個ATT同INR tick得咁樣衰ga!!!
直頭好似shift左去下2格咁,我個心即時離一離,心諗冇理由ga...
我明明tick左ATT同INR ga ma...如是者我個心就一直都巧京京,
期間仲不斷起打去摧下lab既念頭,最後忍唔住啦,打去lab,
出左report,一睇!!!wush!!!!係ATT同INR呀!!!!!!

同事都話我有可能係張底單斜左,所以過底過得唔好,
真係虛驚一場呀!!!!!!!下次我一定一定要對到齊一齊,貼住咁至得,
驚到我死呀!!!!!!


不過今日咁揹cases真係學左好多野,
仲自己打左個MT2 test,真係收獲豐富呀!
感激有咁好既同事同埋神既照料!

端午節快樂!!!!yush!!!

快樂的派大星同海綿寶寶
好想再去台灣呀!!!!!!

我的最愛(2)

今日您呢接我放工,好sweet好開心。
我以前講過好中意睇您個側面,仲好中意您面上面果粒墨屎,
我覺得好性感,哈哈。

到而家我都仲係好中意,哈哈。
搞到我諗起my little airport既一首歌,
我就算喜愛薛凱琪,都不及愛您的縐眉, 我就喜歡張柏芝,她都不及您咁得意。

她都不及您~~咁真摰~~~~~~

澳門留倩影
2011年...um...4月9日...好似係。

我的最愛

有時候,人總會因為荷爾蒙呀天氣呀等等而心情無故抑鬱,
甚至會將唔開心既事無限放大。

我生您悶氣,
係一時三刻入面,您變左一個好黑我憎既人。

收左線之後,我祈禱,一合上眼就見到金豪閣既一事一物,
無論我做咩決定您都會不惜一切去支持我,
您會俾最好既我,好食既野讓我先,好玩既野又俾我先,
您會自己承受痛苦唔俾我知道,
您會帶我去我想去既地方,我去練腳您唔中意都會坐係隔離等我,
我病,就算係半夜2,3點您都立即趕呢急症室同我爸爸一齊陪伴我,
您幾累都會呢見我,仲會得閒接我放工等我開心,
其實您一直都對我好好。

對不起,我會好好珍惜您李浩昇。


感謝神俾我遇見您,感謝神帶領我反思。



「愛是恆久忍耐，又有恩慈；愛是不嫉妒；愛是不自誇，不張狂，
不作害羞的事，不求自己的益處，不輕易發怒，不計算人的惡，
不喜歡不義，只喜歡真理；凡事包容，凡事相信，凡事盼望，凡事忍耐。愛是永不止息。」(林前13:4-8)

我們在金豪閣的第一天,
感謝您的付出。

神

我有罪,請饒恕我。

病房兩三事(2)

要好好記低2/6/2011先得!
因為係我第一次揹cases交更!

真係要多謝我mentor咁信任我同俾機會我,
不過真係好緊張,因為主任坐係我隔離,
而我張貓紙寫得勁樣衰同勁花,haha!





某日行過玩具反斗城,見到有個人體模型蛋抽,
好想好想抽個肺玩下,心都好丫,腸同胃我都唔care!
點知.....

我抽到條Jer.......

有一點兒的不快樂 (2)

有時候都唔想再講。

小朋友玩泥沙既幼稚遊戲,
好幼稚,但個心會舒服D暢快D,
您唔講我都唔會再講。


今日好多野做,要做功課啦,練腳啦,煲劇啦...
我覺得好高興,得閒接2個電話,非常足夠。

原來成長真係好痛苦。
但係人生就係咁,好多人比我更加痛苦。