受難曲

係PPS睇完《受難曲》真係忍不住喊左出呢...

「神愛世人，甚至將祂的獨生子賜給他們，叫一切信他的，不至滅亡，反得永生。」（約3:16）

感謝神,使我擁有一切美好的。

多塊魚的我

今天看見一只很細很細的甲蟲仔爬到我既枕頭上,
本著不要傷害地球上任何小動物的心態,
我引甲蟲仔爬上了Tempo紙巾上,再慢慢往窗外放張紙巾。


但愚魯如我,竟想不到甲蟲仔於17樓窗外唔上唔落依舊死路一條。
希望它但有毅力慢慢爬回地面吧...非常guilty......


近來於PPS上重看了toy story1-3,
很喜愛所有的角色,我覺得泡泡龍及彈簧狗都好像賴賴!


p.s.在吉之島看到了一只Nici牌啡色的大兔子
它有點賴賴的感覺,
但我不會再買了,我不想破壞我家公仔們的生態平衡!
我開口埋口都係賴賴呢只公仔,我真係痴左!

病房兩三事

不經不覺已入職這裡差不多2個月,
開始感覺到有一個大難關要克服了。
明天是我的第一晚N,我mentor說開始返N意味著要開始揹case了!
揹case不是一件容易的事,除了要跟進到病人的condition外,
還有關於病人的一切Booking與安排。
對於未試過揹case的新鮮人來說,
無疑是一個大挑戰,不過幸運地我擁有一群非常好的同事,
還有一個好好的師父!希望我會加快進步,不要令他們及自己失望!


不過說真的,我的而且確是一個很Aggressive的人,
而且性格跟我媽一樣,不想認輸,有困難一定要愈強愈強,
所以難免會有點壓力給自己,
希望我的信仰能幫助我解脫這些無形的緊張:p


總覺得現在的自己比F.7的自己還要勤力,
渣住幾張lab Form上wikipedia查到底,
每天放工後把當天學到的新鮮野抄低再google一番,
我想我當年考AL都沒有這種動作!!!哈哈!!!
不過在這裡真的眼界大開,
好像有一天,patient突然c/o磨牙,
再來面部開始向一邊斜,一邊手開始動不了,亦說不到話,
當時BP:164/110,當我還在想他是不是stroke的時候,
姐姐(我們的senior EN)說他應該是對maxolon敏感,
出了一個叫oculogyric crisis的症狀,打了電話call 主診醫生,
果然醫生都說是patient allergy to maxolon而出的reaction!
我在那一刻想:經驗呀經驗!!!真係非常非常重要呀!!!
淺薄如我只想到stroke,真的要好好學習! :D


不過,其實有時會想,在老人院做真的沒有學到東西嗎?!
我覺得每一個地方總會有其可取之處!
好像我在LKS NursingHome的日子,
真的訓練了獨立處理事情及應變力,
做事會比較果斷迅速;
而且要不斷的執藥對藥,
因而加深了對藥物的基本認識;
還有同事間的相處,不管是好是壞,都帶來一定的personal growth及珍貴的回憶!
(我念念不忘食手信罰$10的事,一起坐呀sir車去華姐清湯腩吃吃吃
及一眾做前線EN及RN的團結感覺)
真的很感謝神給我一個如此的機會我打好根基。


感謝神:D感謝您對我及家人我愛的人以及朋友的恩典。

R.I.P

尹伯,希望您於天國會忘卻一切痛苦。

您的家人會永遠懷念及記掛您的。

感激

感謝神俾我遇到您,您幫助我既鼓勵我既多不勝數,
令我有信心去做我想做既事。

而不論係工作上定係對家庭,
您都係做到我既榜樣,
係我心目中您真係一個好叻既人!

您脾氣有時唔好,會好焦急會搵人鬧,
但我都好明白,有時真係壓力太大,
當好多種大大小小既事找上門要解決既時候,
任何一個人都會咁。

我以前唔明白您,覺得您只係打打鬧鬧,
仲好偏心好重男輕女,到今日我都唔會再計較,
因為我知道您對我好就可以,
我唔會再計較您對邊個好多一點,
因為我知道不論咩時候您都會默默支持我,
即使您口唔講出呢,我都會明白的!

傳統上海父母都總有種父母輩不能流露太多感情於子女面前既束縛,
好重輩份,唔會輕易講支持同愛您,
不過,您對我兩姊弟同爸爸,您對呢個家庭,就算唔講出口,
我地都知道您有幾愛我地。

媽媽,母親節快樂,希望我可以永遠陪伴您身邊,
希望我可以賺更多更多既錢俾您洗,
同希望您健康快樂!

2 day O!

2天的假期,好好在家休閒一下。

諗起功課...真係冇咩心機做,不過難免還是要做一下,
就襯呢2天勉為其難做好佢啦!

不用返工的我竟然有D掛住個ward同d patient,
希望5A同6A床會冇咁辛苦,快d出院同家人一齊過母親節!
願主保守佢地都平安,減少痛苦。

從 Job 到 Career

前幾日SPH搞左個迎新俾我地d新呢既姑娘,不論EN同RN都有份出席,
係入面聽左個SNO講既野,我都從而諗左好多野。
其實做我地呢行真係冇可能有停步既一日,
醫學日新月異,一定要keep住learning至可以,所以要有個plan,3年同5年既。

唔...我諗我工作上既既3年plan當然係順利拎到個RN牌啦!
5年plan應該係想拎番個degree。

其實愈做得耐愈覺得自己有好多不足既地方,
EN同RN真係有好大差別!仲有經驗都真係好重要,
有好多突發事件,senior既nurse真係會靈活d同有判斷力d!
希望有一日我都可以reach到呢個目標!
唔只係do no harm,仲可以do more to patient啦。

係呢個ward第3個星期了!
基本上都幾開心,因為覺得多野學左,個人好充實。
每一個staff都好好咁教好多野,尤其係我師父呀!
以前見到d lab form真係會頭暈,又CRP又ESR又AFB smear...好多野呀...
不過係我查野既時候真係覺得自己學多左野!

不過始終唔再係學生,要再加把勁去做野啦!
畢竟我都係有袋佢人工ga ma :p